هل تعانين من ضعف وتقصف الشعر ؟! اليكي الحل..

الشعر الطويل والصحي لا يكون كذلك في يوم وليلة .. ولكن يوجد بعض العادات التي تساعد علي ذلك اذا نفذتيها واصبحت عادة لديك وهتضمني فعلا ان شعرك هيتحسن ويتحول لشكل افضل وهيوصل للطول اللي بتحلمي بيه مع مرور الوقت..

خمسة نصائح ستغير صحة شعرك للأفضل .

-: النصيحة الأولي

لا تقومي بغسل شعرك كل يوم بالشامبو.. في كتير من البنات بنعمل كده بهدف تحسين الشعر والاهتمام بيه علي عكس الحقيقة وهي انها كده بتدمر شعرها لان كثرة الشامبو بيجرد الشعر من زيوته الطبيعية اللي بتكون مهمة لتغذية واطالة الشعر .. قللي من استخدامه علي حسب الحاجه فقط وقومي باسنخدام البلسم بديلآ عنه لان البلسم بيخلي شعرك اكثر انسيبابية وترطيبًا ..

-: النصيحة الثانية

قصي اطراف شعرك بصفة دورية.. ممكن تكون النصيحة دي متناقضة شوية مع الهدف بتاعك في زياده طول شعرك بس قص الاطراف مهم جدًا في زياده الطول لان عدم قص الاطراف بيأذي الشعر وبيزيد التقصف وهتلاقي اطراف شعرك بتتقسم والتقصف بيطلع لفوق وبالتالي بيكسر نمو الشعر وبيخليه ينمو في فترة بطيئه جدا فحاولي تواظبي علي قص الاطراف عند خبيرة التجميل بمقدار واحد أنش فقط كل 10 اسابيع او 12 اسبوع ..

-: النصيحة الثالثة

يجب ان تضيفي البلسم الي روتين حياتك.. التلوث والحرارة والاستشوار والجيل والكريمات وتصفيف الشعر كل ده بيحارب شعرك وبيضعفة وفي حاجات من دول بنعملها كل يوم وبنكمل عليه بأستخدامنا للشامبو ..علشان كدة ضروري اوي لصحة الشعر انك تستخدمي البلسم في روتينك بكثرة علشان يعوض البروتينات والترطيب اللي شعرك محتاجه فيقدر يقاوم كل اللي بنعمله فيه وينمو ويطول بشكل سريع ..

-: النصيحة الرابعة

استخدام المياة الباردة لاخر غسلة لشعرك.. بعد ما تغسلي شعرك كويس وترطبيه بالمياه الفاتره او العادية حاولي تخلي اخر غسله لشعرك تكون بالمياة الباردة لان المية الباردة بتقفل مسام فروة الرأس وبتضيف لمعة وانسيابية علي الشعر وبتزيده طولآ علي عكس المياة العادية او الدافيه اللي بتخلي الشعر ينكمش ويتحول لشعر كيرلي ومموج فيبان اقصر طولآ ..

-: النصيحة الخامسة

قومي بتمشيط شعرك بكثرة.. تمشيط الشعر بكثره مفيد جدا لصحة شعرك وسرعة نموه بس خلي بالك من تمشيطه والشعر مبلول لأنه بيكون حساس وضعيف جدا في حاولي تنشفيه الأول وبعد كده تمشطيه برفق وحرص ويستحسن بمشط واسع علشان ميتساقطش ويضعف وابتدي دايما من الاسفل ثم اعلي واعلي حتي ينتهي علشان لو بدأتي من الفروة للأسفل ممكن شعرك يتعقد بسهولة ..

وهنا نكون وصلنا للأخر واتمني تلتزموا بهذه النصائح بشكل دوري من غير ملل علشان تحصلوا علي نتيجة سريعة وصحية واتمني لكم شعر طويل صحي كثيف ..